Makaloli a fannin kimiyya da fasaha!
A sashe na 1, sakin layi na 5 na wannan sabuwar doka, an tabbatar da cewa duk wanda ya dauko sakon da wani ya wallafa, wanda asalin mai sakon ba a Najeriya yake ba, to, wanda ya yada wannan sako, muddin ya saba doka, zai zama shi ne mai laifi. – Jaridar AMINIYA, Jumma’a, 5 ga watan Agusta, 2022.
Daga cikin hanyoyin samar da tsari akwai shardanta yin rajista, wanda ya kunshi bayar da bayanai irin: suna, da adireshi, da lambar waya ko adireshin Imel, da sana’a ko aikin yi, da tarihin karatu da aiki, da kuma adadin shekaru. Galibi idan shekarunka suka gaza goma sha uku ma ba za ka iya rajista ba. – Jaridar AMINIYA, Jumma’a, 29 ga watan Yuli, 2022.
A halin yanzu akwai adadi mai yawa na mutane dake ta’ammali da wadannan kafafe na sadarwa a duniya. Misali, Dandalin Facebook na da adadin masu rajista sama da biliyan biyu da miliyan dari bakwai (2.7 billion), a kididdigar shekarar 2021. – Jaridar AMINIYA, Jumma’a, 22 ga watan Yuli, 2022.
Wannan bangare ya dora wa kamfanonin sadarwa ne wasu hakkoki, don rage yaduwa da bunkasar labarun karya da na bogi ta amfani da kafafen sadarwa da ‘yan kasa ke amfani dasu. Mahimman dokokin dake karkashin wannan bangare dai guda shida ne. – Jaridar AMINIYA ta ranar Jumma’a, 15 ga watan Yuli, 2022.
Su wadannan manyan kafafen sadarwa da adadin ‘yan Najeriya masu rajista dasu ya wuce dubu dari, dole ne suyi rajista da hukumar Najeriya; ma’ana ya zama suna da rajista a kasarmu kenan, kamar yadda suke da rajista a asalin kasar da suke da asali. – Jaridar AMINIYA ta Jumma’a, 7 ga watan Yuli, 2022.
Manyan al’amuran da wannan doka ta shagaltu dasu dai guda biyu ne: na farko shi ne ayyukan dukkan kafafen sadarwa na zamani dake Intanet, wadanda ‘yan Najeriya ke amfani dasu; suna da rajista ne, ko babu rajista. Wadannan kafafe kuwa, kamar yadda na ayyana a baya, su ne kafafen sada zumunta, irin su Facebook, da Twitter, da Google (Youtube), da WhatsApp (Facebook/Meta), da kuma dukkan jami’ai ko wakilansu a Najeriya. Sai abu na biyu, wato tabbatar da hanyoyin kariya ga ‘yan Najeriya da ma baki, a kafafen sadarwa na zamani. – Jaridar AMINIYA, Jumma’a, 1 ga watan Yuli, 2022.
Manufofin Fasahar “EDGE Computing” Bayanan samar da bayanai da adana su, fasahar “EDGE Computing” ta zo ne don magance matsalar sarrafawa da kuma aikawa ko musayar bayanai kai tsaye a lokacin da ake so da bukata. Wannan ita ce manufa ta farko kuma jigo. Manufar “EDGE Computing” na biyu, ita ce tantance bayanan dake bukatar…
A halin yanzu fasahar “Cloud Computing” ce tafi shahara cikin nau’ukan wadannan hanyoyin adana bayanai ta hanyar Intanet. Sai dai kuma, wannan fasaha tana dauke da nakasu ta wani bangaren. Domin fannin fasahar sadarwa a kullum ci gaba yake dada samu, saboda yaduwar hanyoyin amfani da ita. – Jaridar AMINIYA, Jumma’a 17 ga watan Yuni, 2022.
Tsarin “Cloud Computing” wata hanya ce da kamfanonin sadarwar Intanet – irin su Google, da Microsoft, da Amazon – suka samar, wacce ke baiwa duk wanda yayi rajista damar adana bayanansa a ma’adanarsu kai tsaye, ta hanyar wata manhaja ta musamman, ko don adanawa, ko kuma don musayar bayanai kai tsaye, a duk sadda kake jone da siginar Intanet. – Jaridar AMINIYA, Jumma’a, 10 ga watan Yuni, 2022.
Abin da wannan sabuwar fasaha ta kunsa shi ne, kusantar da cibiyoyin sarrafa bayanai zuwa ga masu amfani da na’urorin sadarwa na zamani. Ma’ana, gina wuraren da ke dauke da kwamfutoci da na’urorin da za su rika sarrafa bayanan da mutane ke aikawa a tsakaninsu, a kusa da inda suke, saboda sawwake adadin lokacin da bayanan za su rika dauka kafin su isa inda za a sarrafa su, har a samu sakamako cikin lokacin da ake bukata. – Jaridar AMINIYA, Jumma’a, 3 ga watan Yuni, 2022.
Ana amfani da manhajar “Smart Contract” wajen rajistar inshora, da taskance bayanan marasa lafiya a asibitoci, da yin rajistar lasisin motoci, da taskance bayanan kadarorin jama’a, da taskance bayanan da suka shafi kayayyakin abinci da wasu kamfanoni ke yin odarsu tun daga gona har zuwa inda za a sarrafa su. – Jaridar AMINIYA ta ranar Jumma’a, 27 ga watan Mayu, 2022.
A takaice dai, wannan tsari na fasahar “Blockchain”, gamammen tsari ne na taskar bayanan cinikayya da hada-hadar kasuwanci dake warwatse a giza-gizan sadarwa na duniya (Distributed Ledger System – DLS), wanda idan aka shigar da bayanai cikin taskar, ba’a a iya canzawa, sai dai a sake nade wani bayanin sabo, don dorawa daga inda aka tsaya. – Jaridar AMINIYA ta ranar Jumma’a, 20 ga watan Mayu, 2022.
