Makaloli a fannin kimiyya da fasaha!
Kamar yadda na sanar a sama, daga wannan mako zuwa makonni biyu dake tafe za mu yi nazarin Fasahar Blockchain ne, tare da alakarta da tsarin wannan marhala da muke fuskanta na sadarwa, da kuma tsarin hada-hadar kudi ta hanyar na’urori da hanyoyin sadarwa na zamani, wato: “Cryptocurrency”, musamman ma fasahar Bitcoin. – Jaridar AMINIYA ta ranar Jumma’a, 13 ga watan Mayu, 2022.
Mista Elon Musk, wanda shi ne mai kudin duniya a halin yanzu, ya kasance cikin shahararrun mutane dake amfani da shafin Twitter sosai, kuma ya shahara da ra’ayinsa na ganin rashin dacewar hanyar da kamfanin Twitter ke bi wajen rufe shafukan mutane, musamman mutane masu kima, saboda saba wa ka’idar da aka girka cikin manhajar. – Jaridar AMINIYA, ranar Jumma’a, 6 ga watan Afrailu, 2022.
A duk sadda ka matsa alamar “Like” dake wani shafi (Page), ko karkashin wani rubutaccen sako (Text Post), ko hoto (Image Post), ko bidiyo (Video Post), za a wallafa sunanka a jerin wadanda suka ga wannan sako, kuma suka nuna sha’awarsu gareshi. Sannan wannan zai sa injin Facebook ya yi hasashen nuna maka wasu sakonni masu alaka da wanda ka kaunata. Wannan ke tabbatar da tasirin wannan alama ta “Like”! – Jaridar AMINIYA ta ranar Jumma’a, 29 ga watan Afrailu, 2022.
Dandalin Facebook ya samar da wani tsari da ke baiwa mutane damar rufe shafinsu da zarar sun rasu. Galibi an fi amfani da wannan tsari a kasashen da suka ci gaba. Dangane da haka, da zarar wani ya mutu, kuma ‘yan uwansa suka sanar da hukumar Facebook, nan take za a cire shi daga adadin wadanda suke bibiyar kowane irin shafi ne ko dandali. – Jaridar AMINIYA ta ranar 22 ga watan Afrailu, 2022.
Da farko dai, su shafukan Facebook (Facebook Page) an kirkiresu ne don baiwa mutane shahararru da kamfanoni da kungiyoyin da kuma kasashe ko hukumomin dake son tallata manufofi ko hajojinsu da ra’ayoyinsu ko kuma, a wani lokacin ma, don basu damar fadakar da mutane kan wasu al’amuran rayuwa. – Jaridar AMINIYA ta ranar Jumma’a, 15 ga watan Afrailu, 2022.
Masana harkar sadarwa da dabi’un dan adam suka ce a yanzu dai, babu wanda yafi kowa sanin dan adam irin wayar salularsa, da kwamfutarsa, da kuma shafukan Intanet din da yake ziyarta. Wayar salularka, ta wani bangare, ta fi matarka, da dan uwanka, da abokanka sanin hakikanin sirrinka. – Jaridar AMINIYA ta ranar Jumma’a, 1 ga watan Afrailu, 2022.
Daga cikin ire-iren wadannan kananan manhajoji masu fasaha akwai na kamfanin Microsoft mai suna: “Cortana”, wacce ke iya gudanar da irin wadancan ayyuka na “Siri”. Duk da cewa tana kwamfuta ne, amma yanzu an samar da na wayar salula. Duk dabi’unsu daya ne. – Jaridar AMINIYA ta Jumma’, 25 ga watan Maris, 2022.
Wannan fanni na “AI”, fanni ne dake karantar da yadda za a iya tsofa wa kowace irin na’ura da hanyoyin sadarwa na zamani dabi’u da halayya irin ta dan adam. Manufar fasahar “AI” ita ce, koya wa kwamfuta da manhajojinta, da na’urorin sadarwa (irin su wayar salula da nau’ukanta), wasu daga cikin tsarin tunani da dabi’un dan adam, don ba su damar aiwatar da ayyuka a kintse, a natse, a cike, a lokaci da yanayin da ake son su gabatar. – Jaridar AMINIYA, Jumma’a, 18 ga watan Maris, 2022
Karkashin tsarin “Web 2.0” ne dandalin sada zumunta ya samo asali, ya habaka, har aka wayi gari wadanda basu san yadda Intanet ke aiki ba sun dauka kafafen sada zumunta irin su Facebook, ko WhatsApp, ko Twitter su ne kadai Intanet din. Wannan ke nuna tasirinsu karkashin wannan tsari. – Jaridar AMINIYA, Jumma’a, 11 ga watan Maris, 2022.
Wannan nau’i na zubin giza-gizan sadarwa ya samo asali ne tsakanin shekarun karshe na 1980s zuwa karshen shekara ta 2000. Wannan shi ne zamanin jarirantakar fasahar Intanet, kuma marhalar dake tsakanin sadda hukumar tsaro ta Amurka ta yafuce tsarin ARPANET daga giza-gizan sadarwar kasar, don bambanceshi da na gama-gari. – Jaridar AMNIYA, Jumma’a, 4 ga watan Maris, 2022.
Wannan ginanniyar manhaja mai suna: “For You”, ita ce ke tarkato maka nau’ukan mutane (gwaraza) da suka yi fice a dandalin, don ka bi su ko yi abota dasu. Da zarar ka saukar kuma ka hau manhajar TikTok a karon farko, kana gama rajista da fara bibiyar mutane, wannan mahaja za ta fara aikinta kai tsaye. – Jaridar AMINIYA, Jumma’a, 25 ga watan Fabrairu, 2022.
An buga wannan makala ne a Jaridar AMINIYA ta ranar Jumma’a, 18 ga watan Fabrairu, 2022.
