Makaloli a fannin kimiyya da fasaha!
Bayan waɗannan hanyoyi da za ka iya amfani dasu wajen aika kira don jawo hankalin wanda kake son ya kira ka saboda karancin kuɗi dake layin wayarka, akwai wasu hanyoyin da kamfanonin suka samar a baya, waɗanda suka shafi aika saƙon tes ne mai ɗauke da lambar wayar wanda kake son fadakar dashi don ya kira ka. – Jaridar AMINIYA, Jumma’a, 4 ga watan Nuwamba, 2022.
Idan tsarin dake girke cikin dandalin Facebook ya lura cewa an harbi shafinka da ƙwayar cuta, to, nan take zai rufe shafin, don kada kaci gaba da yaɗa ire-iren waɗannan cututtuka ga wasu. Dole ya rufe shafinka, duk da cewa ba laifinka bane. – Jaridar AMINIYA, Jumma’a, 28 ga watan Oktoba, 2022.
A ƙa’idar ma’amala da fasahar Facebook, yawan shiga zauruka da yawa, musamman marasa alaƙa da manufar mai yin hakan, laifi ne. Idan a ƙarshe hasashen manhajar tantance mutane yayi ƙarfi, nan take sai dai kaji an yi waje da kai. – Jaridar AMINIYA, ranar Jumma’a, 21 ga watan Oktoba, 2022.
Hukumar Facebook tana iya rufe shafinka idan ya tabbata cewa kana yaɗa saƙonnin batsa tsakanin jama’a; ya Allah ta hanyar rubutattun saƙonni ne, ko hotuna, ko sauti, ko kuma ta amfani da saƙonnin bidiyon batsa. – Jaridar AMINIYA, ranar Jumma’a, 14 ga watan Oktoba, 2022.
Dalilan dake sa a rufe maka shafinka a Facebook suna da ɗimbin yawa. Amma za mu iya keɓance su zuwa dalilai 12; duk wani laifi da zai sa a rufe maka shafi, ba ya rasa alaƙa da ɗaya ko biyu daga cikin waɗannan dalilai ko laifuka guda goma shabiyu. – Jaridar AMINIYA ta ranar Jummu’a, 07 ga watan Oktoba, 2022.
Nazarin ƙorafinka/ki na iya ɗaukan lokaci…” ko wani zance makamancin hakan. A yayin da manhajar kwamfuta ce ke lura da masu saɓa doka kuma nan take su rufe shafukansu idan suka taka doka, amma bayan ka aika bayanan da ake buƙata daga gareka, ɗan adam ne ke nazarinsu don tabbatar da gaskiya ko akasin haka, kan tuhumar da ake maka. – Jaridar AMINIYA, Jumma’a, 30 ga watan Satumba, 2022.
Bayan dukkan wannan bayani, hanya mafi sauki wajen gano hakikanin abin da ke sa waya ta shiga irin wannan yanayi shi ne zuwa wajen mai gyara. Shi zai duba ta, don tabbatar hakikanin abin da ya same ta. – Jaridar AMINIYA, Jumma’a, 23 Satumba, 2022.
Zancenka gaskiya ne kan cewa ana amfani da hanyar kutse wajen satan kudaden zamani dake Intanet. Hakan ya sha faruwa sosai, kuma yana faruwa. Ba su kadai ba, hatta lokacin da Babban Bankin Najeriya wato: “CBN” ya kaddamar da nau’in kudin zamani na eNaira, bayan an dora manhajar a cibiyar Play Store, sai da wasu suka aiwatar da kutse cikin manhajar. – Jaridar AMINIYA, Jumma’a, 16 ga watan Satumba, 2022.
Fannin Kimiyya da Fasahar Sadarwa shi ne tsarin dake taimakawa wajen aiwatar da sadarwa mai inganci, ta amfani da na’urori da kuma hanyoyin sadarwa na zamani, don gudanar da harkokin rayuwa. Dangane da ma’anar wannan fanni da ya gabata, za mu fahimci cewa fannin na dauke ne da manyan ginshikai guda biyu, wadanda su ne suke haduwa da juna wajen haifar da sadarwa a yanayin da muke gani kuma muke ta’ammali dashi a halin yanzu. – Jaridar AMINIYA, Jumma’a, 9 ga watan Satumba, 2022.
Wanda ya samar da wannan kamfani ko shafi shi ne: Changpeng Zhao, wanda dan asalin kasar Sin ne. Ya yi hakan ne a shekarar 2017, wato shekaru 5 da suka gabata kenan. Wannan mutum, wanda ake wa lakabi da “CZ”, kwararren maginin manhajar kwamfuta ne. Zuwa yanzu dai, wannan cibiya ta hada-hadar kudaden zamani ta Binance, ita ce cibiya mafi girma a duniya, cikin cibiyoyin hada-hadar kasuwanci guda 500 da ake dasu a yanzu. – Jaridar AMINIYA, Jumma’a, 2 ga watan Satumba, 2022.
An kiyasta cewa idan wannan sabuwar doka ta Karin haraji ta fara aiki, kamfanonin wayar salula za su kara yawan kudin da suke caja na kiran waya a duk minti guda; daga naira ashirin (N20.00) ko kasa da haka da suke cira a yanzu, zuwa naira arba’in (N40.00). Haka ma, gigabyte 1 na “data” da a yanzu ake saya a kan naira dubu daya (N1,000.00) a misali, zai koma naira dubu biyu da dari biyar (N2,500.00). – Jaridar AMINIYA, Jumma’a, 19 ga watan Agusta, 2022.
Duk da cewa abu ne da zai iya daukan lokaci, amma tattaunawa da masana kan harkar sadarwa na zamani zai taimaka matuka wajen samar da gamayyar ra’ayoyi masu samar da fa’ida. A tare da cewa ba dole bane dauka ko karban dukkan ra’ayoyi da shawarwarin da zasu bayar ba, hadakar ra’ayin na da mahimmanci. – Jaridar AMINIYA, Jumma’a, 12 ga watan Agusta, 2022.
