Makaloli a fannin kimiyya da fasaha!
Duk da cewa abu ne da zai iya daukan lokaci, amma tattaunawa da masana kan harkar sadarwa na zamani zai taimaka matuka wajen samar da gamayyar ra’ayoyi masu samar da fa’ida. A tare da cewa ba dole bane dauka ko karban dukkan ra’ayoyi da shawarwarin da zasu bayar ba, hadakar ra’ayin na da mahimmanci. – Jaridar AMINIYA, Jumma’a, 12 ga watan Agusta, 2022.
A sashe na 1, sakin layi na 5 na wannan sabuwar doka, an tabbatar da cewa duk wanda ya dauko sakon da wani ya wallafa, wanda asalin mai sakon ba a Najeriya yake ba, to, wanda ya yada wannan sako, muddin ya saba doka, zai zama shi ne mai laifi. – Jaridar AMINIYA, Jumma’a, 5 ga watan Agusta, 2022.
Wannan bangare ya dora wa kamfanonin sadarwa ne wasu hakkoki, don rage yaduwa da bunkasar labarun karya da na bogi ta amfani da kafafen sadarwa da ‘yan kasa ke amfani dasu. Mahimman dokokin dake karkashin wannan bangare dai guda shida ne. – Jaridar AMINIYA ta ranar Jumma’a, 15 ga watan Yuli, 2022.
