Tag: Phishing

A makon jiya mai karatu ya samu bayanai kan ragowar hanyoyin da ‘yan Dandatsa ke bi wajen sace “Password” din mutane, tare da nuna cewa daga cikin hanyoyin da suke amfani dasu akwai amfani da manhajojin kwamfuta masu iya kwance “Password” duk yadda aka layance shi.  A yau za mu dubi wasu daga cikin wadannan manhajojin kwamfuta da ake iya sace “Password” dasu, tare da kwance su bayan an sace.  Sannan muyi nazari kan wuraren da kwamfutocin da muke amfani dasu a hannunmu ko a office – wato kwamfutoci gama-gari nake nufi – don sanin ina ne suke adana “Password” din da muke shigarwa don bamu damar shiga kwamfutar a duk sadda muka shigar.  In Allah yaso kuma za mu dubi yadda idan ka mance “Password” din kwamfutarka, ta yaya za ka iya canza wani “Password” din ta hanya mai sauki?  Idan da lokaci a mako mai zuwa zamu yi nazari har wa yau kan yadda gidajen sanar sadarwar da muke mu’amala dasu suke adana “Password” din mu a rumbun adana bayanansu (Database).

Ga kashi na tara cikin jerin kasidun dake nazari kan “Kalmar Sirri”, wato “Password” da mahimmancinsa ga mai mu’amala a shafin Intanet. A sha karatu lafiya.